आदरणीय अभिभावकज्यूहरू, सम्माननीय शिक्षक साथिहरू तथा प्रिय विद्यार्थी भाइबहिनीहरू,

सादर नमस्कार।

महेन्द्र ज्योति माध्यमिक विद्यालयको तर्फबाट यहाँहरू सबैमा हार्दिक शुभकामना व्यक्त गर्न चाहन्छु। शिक्षा मानव जीवनको मूल आधार हो भन्ने कुरामा हामी सबै सहमत छौं। आजको प्रतिस्पर्धात्मक युगमा गुणस्तरीय शिक्षाको आवश्यकता झनै बढ्दो छ। यस सन्दर्भमा हाम्रो विद्यालयले शिक्षाको क्षेत्रमा निरन्तर सुधार र उत्कृष्टता प्राप्त गर्नका लागि विभिन्न कार्यक्रम र योजनाहरू अघि सारेको छ।

हामीले आधुनिक शिक्षण प्रविधिहरू, दक्ष शिक्षक टोली, सकारात्मक सिकाइ वातावरण, साथै विद्यार्थीहरूको सर्वाङ्गिण विकासमा केन्द्रित भई कार्य गर्दै आएका छौं। विद्यार्थीहरूलाई शैक्षिक मात्र होइन, नैतिक, सामाजिक तथा सृजनात्मक पक्षमा पनि सक्षम बनाउने हाम्रो प्राथमिकता हो।

अभिभावकज्यूहरूको सहकार्य, शिक्षकहरूको समर्पण र विद्यार्थीहरूको लगनशीलता नै विद्यालयको उन्नतिको मुख्य आधार हो। यस अवसरमा म यहाँहरू सबैसँग विद्यालयको हरेक गतिविधिमा सक्रिय सहभागिता जनाउन अनुरोध गर्न चाहन्छु।

अन्त्यमा, हाम्रो साझा प्रयत्नले महेन्द्र ज्योति माध्यमिक विद्यालयलाई अझ उत्कृष्ट बनाउँदै लैजानेमा हामी पूर्ण आशावादी छौं।

धन्यवाद।
जयकुमार झा
प्रधानाध्यापक
महेन्द्र ज्योति माध्यमिक विद्यालय
बिर्तामोड-१०, सैनिकबजार, झापा